Tip:
Highlight text to annotate it
X
Proque le fide es digne de tante respecto? Que alcuno me monstra le calculos, proque io simplemente non lo comprende.
Le personas continuemente me dice: "Tu deberea monstrar un pauc plus de respecto...
...Tu non debe appellar le personas malades mental solo proque illes discorda de te."
Ben, non es proque illes discorda de me que io les appella malades mental. Es a causa de lo que illes crede
super le realitate, e plus importante, lo que illes vole facer con ille credentias.
Si il esseva solo illo, solo un credentia, alora io non haberea problema in dar al religion tote le respecto que illo vole.
Del mesme maniera que io respecta le senso de moda de un persona, o le decoration de su casa,
mesmo si io lo trovava de mal gusto, io le respecterea sufficientemente pro non dicer lo.
Mais le religion es plus que solo un credentia. Le religion vole imponer un moralitate universal,
que es le ration proque illo sempre ha attrahite le typo de gente que pensa que le vitas private del alteres personas les importa.
E dar respecto a iste mentalitate es exactemente lo que nos ha mittite in le confusion in le qual nos es.
Nos ha date al religion ideas [above its station], e nos lo ha persuadite que illo es alcun cosa que illo non es.
Le veritate es que le fide es nihil plus que le suspension deliberate del incredulitate.
Illo es un acto de voluntate. Illo non es un stato de gratia. Illo es un stato de selection, proque sin evidentia,
tu non ha ration pro creder, a parte de tu disposition de creder.
Alora proque illo es digne de respecto, plus que tu disposition
de forar tu oculo con un stilo?
E proque le fide es considerate alcun sorta de virtute? Es proque illo implica un certe profunditate de contemplation e perception?
Io non lo pensa. Le fide, per definition, es non examinate. Alora in ille senso illo debe esser inter le plus superficiales del experientias.
Totevia, si illo poteva, illo regularea cata action, parola e pensata de cata persona super iste planeta,
proque, que nos non oblida, mesmo un pensata impur es un peccato.
Ben, io crede que le fide in Deo es un pensata impur. Illo pollue nostre comprension del realitate.
Illo obstrue le via, e illo expone le pejor in le meliores de nos, de maniera que nos es mesme preparate pro inclinar nos
tanto basso a puncto de invenenar le mentes non formate del personas que nos ama plus — nostre infantes.
Quando illes es vetule bastante pro pensar pro se mesmes, illo es troppo tarde. Illes ha essite ben e vermente hypnotizate.
Io lamenta, mais il non ha un maniera gentil de dicer isto. Si tu plena le mente de tu infante con imagines de Satan
e le horrores del inferno, tu es un individuo malade, e tu es un malade mental.
E le unic ration proque tu non sape isto es proque tu ha essite tolerate per troppo de tempore
per personas e institutiones que realmente deberea haber agite alteremente.
Le veritates es que tu credentias es infantil, tu scripturas es mentitas, e tu deos es illusiones.
E io pote dicer illo con tote le respecto debite, proque necun respecto es realmente debite.
In ultra, quicunque qui debe exiger respecto automaticamente merita ridiculo.
Si tu meritarea respecto tu ja lo haberea. Tu rolarea in illo
como un teleevangelista in le moneta de altere personas.
No, lo que tu merita es derision. Mais io es un persona rationabile, e io vole facer un effortio,
alora io te dicera lo que io facera. Io respectara tu credentias durante le tempore que io succede a retener le riso pensante a illos,
lo que debe esser medie secunda. Mais ultra illo io time que io non pote promitter alcun cosa.
Intertanto, io non crede que Deo existe, mais si occurre que io ha torto super illo, sin problema.
Io non pensa multo a su attitude, pro esser honeste, e si ille vole monstrar se,
io essera felice de dicer le illo al facie, si ille habe un.
Mais si Deo existe, io vole que ille mesme me lo dice. Io non vole audir lo de qualcunque altere persona.
E, in le caso que tu te demanda, illo include te.
Alora per favor non cita plus de scriptura pro me. Io realmente es usque aqui con scriptura,
e francamente absolutemente non me importa lo que le Biblia o le Koran ha a dicer super qualcunque cosa.
Tu poterea equalmente contar me super tu sonios, que es essentialmente lo que tu face.
Io pote comprender proque personas es attrahite al scriptura e al religion, proque illo es tanto facile e conveniente.
Toto es preparate pro te. Tote le pensamento que tu jammais necessitara ja ha essite facite.
Tu non debe levar un unic neurone. Illo es tanto conveniente que illo es quasi moderne.
Mais lo que tu debe perciper es que creder a un cosa, non importa quanto fortemente, non lo rende necessarimente real.
Tu poterea esser hypnotizate pro creder que tu es un gallina, mais tu non pote expectar rationabilemente que altere personas
comparti ille credentia, al minus usque illes vide alcun ovos. E illo es le puncto fundamental aqui, evidentia.
Si tu me mostra alcun ovos, alora io credera que tu es un gallina, o un christiano, o un musulman,
o non importa lo que diabolos tu pensa que tu es.
Mais usque alora, per favor non me dice de non ridiculizar tu credentias. Illo es como dicer me de non rider
de tu perrucca. Illo solo rende le maledicte cosa ancora plus ridicule.
Pace a totes, e que tu pote obener tote le respecto que tu merita.